Eg er 1954-modell frå Vestnes i Møre og Romsdal, men har vore busett på Sunnmøre mesteparten av mitt vaksne liv. Budde nokre år i Hagavik i Bjørnafjorden litt sør for Bergen, men er no busett i Ålesund kommune.

Vestlandet med sin dramatisk natur og brå verskifte er min store inspirasjon! Målar mest i olje, men tidvis også akryl eller mixed media. Ofte tek eg utgangspunkt i eige foto som eg brukar vidare for å skape det spontane, levande, gjerne maleriske uttrykket eg er ute etter……men er heile tida på leit etter nye innfallsvinklar og tema i målinga mi.

Trangen til å skape har alltid hatt stor plass i livet mitt, dette å utvikle seg og lære nytt. Er stort sett autodidakt, men tok 2 år visuell kunst ved Ålesund Kunstfagskule frå 2008-2010. Framfor alt lærte eg der mykje om kunst og kunstforståelse, men også mykje om meg sjølv og kva eg helst vil arbeide med.
Vidare utvikling gjennom kursing og malefellesskap, ved å utforske nye ting og maleteknikkar. Eg har delteke på fleire kollektive kunstutstillingar og hatt 2 separate utstillingar.